अछाम - अछाममा एक विद्यालयका प्रधानाध्यापक पाँच दिनदेखि बेपत्ता भएका छन् । अछामको मंगलसेन नगरपालिका वडा नम्बर १३ बस्तीका ३५ वर्षिय जगत बहादुर साउँद बेपत्ता भएका आफन्तले बताएका छन्।

सोही ठाउँमा रहेको शिव आधारभूत विद्यालयका प्रधानाध्यापक साउँद माघ २ गते बेलुकी ६ बजेतिर घरबाट निस्केका र त्यसपछि घर नफर्केका उनका भाई आनन्द साउँदले बताए। ६ दिन भैसक्दा समेत घर नफर्केका र सम्भावित सबै ठाउँमा खोजि गर्दा समेत फेला पार्न नसकिएको उनले बताए। कहि कसैले फेला परेमा ९८६८५६०६६३ अथवा नजिकैको प्रहरी कार्यालयमा खबर गरिदिन साउँदले अनुरोध गरेका छन् ।