कञ्चनपुर - कञ्चनपुरको शुक्लाफाँटामा सेफ्टिट्यान्कीमा परेर हात्तीको मृत्यु भएको छ। कञ्चनपुरको शुक्लाफाँटा नगरपालिका वडा नम्बर-७ कालापानीमा रहेको वातावरण मध्यवर्ती सामुदायिक वनको शौचालयको सेफ्टिट्यान्कीमा परेर जंगली हात्तीको मृत्यु भएको हो।

राति चर्न निस्किएको हात्ती सेफ्टिट्यान्कीमा परेर निस्किन नसकेर मृत्यु भएको शुक्लाफाँटा वडा नम्बर-७ वडा अध्यक्ष प्रताप धामीले बताए। हात्तीको शरीरको पुच्छरतर्फको भाग ट्यांकीमा फसेकोले निस्किन नसकेको निकुञ्जले जनाएको छ। अहिले हात्तीलाई ट्यांकबाट निकालेर शव परीक्षण गर्ने तयारी भइरहेको बताइएको छ।