कैलाली बहुमुखी क्याम्पसले बिहीबार ३ वटा संकायका शिक्षण समिति अध्यक्ष नियुक्त गरेको छ ।  क्याम्पस प्रमुखले अगामी २ बर्षकोलागि जिम्मेवारी दिएको  हो ।

क्याम्पस प्रमुख तोयराज भट्टले ब्यबस्थापन संकाय तर्फ एमबिएस र बिबिएस तर्फको शिक्षण समिति अध्यक्षमा उप प्राध्यापक घनश्याम भट्ट, मानविकी संकाय शिक्षण समिति अध्यक्षमा स्नातक र स्नातकोत्तर तर्फ उपप्राध्यापक हरीराम चौधरी र शिक्षा संकाय तर्फ स्नातक र स्नातकोत्तर तर्फको शिक्षण समिति अध्यक्षमा सह प्राध्यापक डाक्टर प्रयागराज जोशीलाई नियुक्त गर्नु भएको हो ।

कैलाली बहुमुखी क्याम्पसका सहायक क्याम्पस प्रमुख सह प्राध्यापक डाक्टर लोकबहादुर बिष्टले बिश्वविद्यालय संगठन र शैक्षिक प्रशासन नियमावली २०६९ को परिच्छेद १५ को दफा ११७ (१) बमोजिम दुई बर्षका लागि शिक्षण समितिको अध्यक्ष नियुक्त गरिएको बताए । सहायक क्याम्पस प्रमुख बिष्टले कार्यकाल सफलताको शुभकामना दिदै क्याम्पसको शैक्षिक उन्नतिमा शिक्षण समितिका अध्यक्षहरुको ठुलो भुमिका रहने भएकाले यहाँहरुले कटिबद्ध भएर लाग्न आह्वान गरे ।

क्याम्पसले आज अनौपचारीक रुपमा नियुक्ति पत्र प्रदान गर्दै जिम्मेवारी सुम्पेको छ ।