कोरोना आशंकामा सेती अस्पतालको आईसोलेसनमा १९ जना भर्ना भएर उपचार गराईरहेका छन् । चार जना यसअघि देखि नै उपचार गराईरहेको अवस्थामा १९ जना थपिएका हुन् ।
आरडिटी पोजेटिभ देखिएपछि १९ जनालाई सेती अस्पतालको आईसोलेसनमा भर्ना गरिएको हो । बिहिबार गौरीफन्टा नाकाबाट उद्धार गरीएका १२ जनामा आरडीटी पोजेटिभ देखिएपछि अस्पतालको आईसोलेसनमा भर्ना गरिएको हो ।
बझाङ्कको जयपृथ्वी नगरपालिका वडा नम्बर ३ का २१ वर्षीय पुरुष, वडा नम्वर ११ का २३ वर्षीय पुरुष, डोटीको दिपालय सिलगढी नगरपालिकाका २८ वर्षीय पुरुष, बडिकेदार गाउँपालिका ५ का १८ बर्षीय युवक, डडेल्धुराको पर्शुराम नगरपालिकाका २७ वर्षीय युवक र कञ्चनपुरको पुनरवास नगरपालिका वडा नम्वर ५ का २८ बर्षीय युवकलाई प्रादेशिक अस्पतालको आईसोलेसनमा भर्ना गरिएको हो।
यस्तै बैतडीको मेलौली नगरपालिका ४ का ३३ वर्षीय पुरुष, सोही ठाउँका १९ वर्षीय युवक, २३ वर्षीय युवक, शिवनाथ गाउँपालीकाका २७ वर्षीय युवक, सोही ठाउँका २४ वर्षीय युवक, २२ वर्षीय युवक, २० वर्षीय युवक, ३० बर्षीय पुरुष र सोही ठाउँका अर्का २० वर्षीय युवकलाई अस्पतालको आईसोलेनमा भर्ना गरीएको हो।
यस्तै अछामको मेल्लेख ४ का ३० बर्षीय महिला, ११ बर्षिय बालिका, ४ बर्षको बालक र ३२ बर्षको पुरुषलाई पनि भर्ना गरिएको सेती प्रादेशिक अस्पतालका सूचना अधिकारी दिलिप कुमार श्रेष्ठले जानकारी दिए।
यो सँगै सेती प्रादेशिक अस्पतालको आईसोलेसनमा भर्ना हुनेको संख्या २३ पुगेको छ ।
सम्बन्धित वर्गका समाचारहरू
