सुदूरपश्चिमको अस्थायी राजधानी धनगढीमा कोरोना संक्रमितको संख्या पाँच सय नाघेको छ । धनगढी उप–महानगरपालिकाको स्वास्थ्य शाखाका अनुसार बिहिवार सम्म उप–महानगर क्षेत्रका पाँच सय ३२ जनालाई कोरोना संक्रमण पुष्टि भएको छ ।
एक सय ८६ महिला र तीन सय ४६ पुरुष गरी पाँच सय ३२ जनामा संक्रमण पुष्टि भएको उपमहानगरपालिकाको स्वास्थ्य शाखाका जनस्वास्थ्य निरिक्षक लक्ष्मीराज उपाध्यायले जानकारी दिए ।
उनका अनुसार उप–महानगर क्षेत्रका एक सय ५१ महिला र दुई सय ५७ पुरुष गरी चार सय ८ जनाले कोरोना जितिसकेका छन । ३३ महिला र ८९ पुरुष गरी एक सय २२ जना संक्रिय संक्रमित रहेको जनस्वास्थ्य निरिक्षक उपाध्यायले बताए ।
संक्रमण पुष्टि भएका झण्डै ७० प्रतिशतको ट्राभल हिस्ट्री भेटिएको छैन् । उपमहानगरपालिकाको वडा नम्बर ४ र ५ का दुई महिलाको भने कोरोना संक्रमणका कारण मृत्यु भएको छ ।
सम्बन्धित वर्गका समाचारहरू
