धनगढीमा कोरोना संक्रमितको संख्या साढे ११ सय नजिक पुगेको छ । प्रदेशको सामाजिक विकास मन्त्रालयका अनुसार धनगढीमा संक्रमितको संख्या ११ सय ४० पुगेको हो ।

धनगढीमा शनिवार थप ३६ जनामा कोरोना भाइरसको संक्रमण पुष्टि भएसँगै संक्रमित बढेका हुन् । शुक्रवार पनि धनगढीका ३६ जना थपिएका थिए । सेती प्रादेशिक अस्पतालमा गरिएको परीक्षणमा शनिवार थप ३६ जनामा संक्रमण पुष्टि भएको हो। 

सेती प्रादेशिक अस्पतालका सूचना अधिकारी दिलिपकुमार श्रेष्ठले धनगढी उपमहानगरपालिकाको वडा नम्बर १ का १६ जना, वडा नम्बर ४ र ५ का  ४ र ४ जना, वडा नम्बर ८ का ३ जना, त्यसैगरी वडा नम्बर २ र ३ का २र२ जनामा संक्रमण पुष्टि भएको जानकारी दिए।

यस्तै वडा नम्बर ६, ७, १२, १४ र १८ का एक एक जनामा पनि संक्रमण पुष्टि भएको उनले बताए।