कोरोना कहरले तामझाम र बली बिनाको फुलपाती ! (भिडियो सहित)
2020/10/23, 10:32
Video
phulpati

कोरोना कहरले बलि बिना यसपाली वडा दसैंको महत्वपूर्ण दिन फूलपाती भित्र्याइएको छ । सप्तमीका दिन सबै नेपालीका घरघरमा उखु, अदुवा, केराको बोट, धानको बाला, बेलपत्र, दारिम, जयन्ती र अशोकको फूल तथा अन्य नयाँ पालुवा समेत विधिपूर्वक फूलपाती भित्र्याएर बली दिने गरिएकोमा यसपाली कोरोनाका कारण बलि नदिईएको हो ।

अघिल्ला बर्षहरुमा तामझाम र हर्षबढाईका साथ भित्र्याईने फुलपाती यो बर्ष सामान्य रुपमा बलि बिना भित्र्याईएको हो । धनगढीमा नेपाली सेना, नेपाल प्रहरी र सशस्त्र प्रहरीले फूलपाती भित्र्याएका छन्  । नेपाली सेना र सशस्त्रले धनगढीकै नैनादेवी मन्दिरमा समुह सहित संयुक्त रुपमा फुलपाती भित्र्याईएको छ ।

उनीहरुले वनदेवी मन्दिरको परिक्रममा समेत गरेका थिए । नेपाल प्रहरीले भने वनदेवी मन्दिरमा पुजारी पठाएर मात्रै फूलपाती भित्र्याईएको छ ।