धनगढी-  कञ्चनपुरको गुलरियामा रहेको गुलरिया सुईमिङमा पुल पार्टी हुने भएको छ । टाकाटोपी फिल्मस्को आयोजनामा सुदुरपश्चिममै पहिलो पटक शनिबार असोज ८ गते पुल पार्टी हुन लागेको हो । 

ब्लु डाईमन्ड कार्यक्रमको मुख्य प्रायोजक रहेको छ । रमणीय वातावरणमा रहेको गुलरिया सुईमिङमा हुने पुल पार्टीमा धनगढी, अत्तरिया, झलारी, महेन्द्रनगरबाट मानिसहरुको सहभागीता रहने आयोजकले जनाएको छ ।

कार्यक्रमलाई लक्षित गर्दै प्राकृतिक सुईमिङ पुलमा गीत संगीतको मज्जा लिन सकिनेछ । कार्यक्रममा डिजे अमनको प्रस्तुती रहनेछ । कार्यक्रममा निशुल्क प्रवेश रहेकोले आयोजकले सबैलाई पुल पार्टीमा सहभागीताका लागि अनुरोध गरेको छ ।